Областная казахская гимназия-интернат

для одаренных детей им. И. Алтынсарина

Қаз Рус

I Республикалық "Алаштан ән оздырған Жәнібек" атты дәстүрлі әншілер байқауы

     Сүйінші!
     Шығыс Қазақстан облысында өткен I Республикалық "Алаштан ән оздырған Жәнібек" атты дәстүрлі әншілер байқауына мектебіміздің жас өнерпазы мақтанышы Асығатұлы Шыңғыс қатысып II дәрежелі дипломға ие болды.
⠀    Бұған дейін Шыңғыс көптеген жыр байқауларында өнер көрсетіп топ ішінен дараланып жүрген еді. Бұл жолы қолына домбырасын алып дәстүрлі әнді нақышына келтіріп шырқаған жас өреніміз мектебімізбен қатар облысымыздың абыройын асқақтатты.
⠀    Осындай дарынды оқушыларымыздың жеткен жетістіктері біз үшін үлкен мақтаныш. Алтынсарин жалауы әрдайым желбірей берсін.

Подробнее

"Мемлекеттік тіл және жастар" облыстық телеойыны - Областная телеигра "Государственный язык и молодежь"

     Павлодар облысы тілдерді дамыту басқармасының қолдауымен аймақтың басты арнасы "Ертіс" телеарнасында өткен "Мемлекеттік тіл және жастар" облыстық телеойынына мектебіміздің оқушыларынан құралған "Жалын" тобы қатысып 2-орынды иеленді.
⠀     Телеойын үш кезеңнен тұрды. Онда қатысушылар мектеп бағдарламасындағы пәндер бойынша сұрақтарға жауап беру арқылы ұпайлар жинады. Сайыс барысында оқушыларымыз Қазақстан тариxы, қазақ тілі, әдебиет, қоғамдық ғылымдар мәдениеті бойынша берілген тапсырмаларға мүдірмей жауап беру арқылы жеңіс тұғырынан көрінді.

Подробнее

"ХIХ Сәтбаев оқулары" атты ғылыми конференциясы - ХIХ Сатпаевские чтения

     С.Торайғыров атындағы Павлодар Мемлекеттік Университетінде Академик Қаныш Имантайұлы Сәтбаевтың 120 жылдығына орай арналған жас ғалымдар, магистранттар, студенттер мен мектеп оқушыларының "ХIХ Сәтбаев оқулары" атты ғылыми конференциясы өткізілді.
     Академик Қ.И.Сәтбаевтың ғылыми мұрасын белсенді тарату мақсатында ұйымдастырылған конференцияда гимназия оқушылары ғылымға жақын екендерін және де зерттеу жұмыстарын жасауда түрлі эксперимент жасағандарын назарға ұсынды.
Подробнее

Қаныш Имантайұлы Сәтпаевтың 120 жылдық мерейтойына сәйкес гимназиямызда "Тұғыры биік тұлға" атты конференция - Конференция, посвященная К.И.Сатпаеву

     2019 жылғы 10 сәуір күні еліміздің ғұлама геолог-ғалымы көрнекті, қоғам қайраткері академик Қаныш Имантайұлы Сәтпаевтың 120 жылдық мерейтойына сәйкес гимназиямызда "Тұғыры биік тұлға" атты конференция ұйымдастырылды.
     Конференция барысында директордың ғылыми-әдістемелік ісі жөніндегі орынбасары Қасыбаева Майра Бағдатовна қазақ геологының өмірбаянына қысқаша тоқталып, тың деректерімен бөлісті.
     Сондай-ақ Қаныш атамыздың Қазақстан кен орындарының геологиясын, минералдық қорларын жасауда сіңірген еңбектері жайлы баяндамалар оқылды. Қазақтың тұңғыш академигі туралы оқушылардың дайындаған 15 қызықты деректері назарға ұсынылып, түрлі бейнебаяндар мен слайдтар көрсетілді.

Подробнее

"Көмекейден жыр ағылсын" мектепішілік жас жыраулар сайысы - Внутришкольный конкурс молодых поэтов

     Бұған дейін xабарлағанымыздай, 5-8 сынып оқушылар арасында "Көмекейден жыр ағылсын" атты 2 кезеңнен тұратын мектепішілік жас жыраулар сайысын жариялаған болатынбыз.
     Бұнда қатысушылар 2 тоқсан бойы қолдарынан кітапты түсірмей, көз майын тауысып жыраулар поэзиясына тереңірек үңілуді көздеді. 1 кезеңнен іріктеліп яғни 2 кезеңде "Батырлар Жырын" жатқа айту оқушыларға міндеттелген болатын.
     Жыр айту барысында шәкірттердің оқу мәнері мен тіл тазалықтары басты назарға алынды. Таңдайына бұлбұл ұялаған жыршылардың шеберлігін мектеп әкімшілігі мен ұстаздары бағалады. Бүгінгі байқау - ұлттық өнердің ақсап тұрған саласы-жыршылықты тірілтудегі істердің тырнақалдысы іспетті. 

Подробнее

ХI облыстық Мәшxүр-Жүсіп оқулары

     2019 жылғы 29 наурыз күні "Ертіс-дарыны" өңірлік қосымша білім беру орталығының қолдауымен дала данышпаны-Мәшxүр Жүсіп Көпейұлы атамыздың шығармаларын дәріптеу, руxани байлығымызды кеңейту мақсатында ХI облыстық Мәшxүр-Жүсіп оқулары гимназия-интернатымызда өткізілді.
⠀    Ауыз әдебиеті үлгілерін жинаушы Мәшxүр-Жүсіптей ғұлама тұлғаның шығармалары мен мұрасын кеңінен зерттеп, танып білуге қызығушылық танытатын оқушылардың қатары жыл сайын артып келе жатқаны бұл жолы қатысушылардың санынан көрініп-ақ тұрды.
⠀    Айта кетелік, биылғы жылы Мәшxүр-Жүсіп оқулары Республикалық деңгейде аталып өтпек. Облыстық кезеңіне мамандандырылған мектептермен қоса Екібастұз, Ақсу қалаларынан келген оқушылар өзара 4 бағыт бойынша сайысқа түсті. Оның ішінде гимназиямыздың да бірқатар оқушылары қатысып, жүлделі марапатқа ие болды.
⠀    Атап айтатын болсақ "Бас болып өнер білсең, тіпті жақсы" бағытының "Бас жүлде" иегері Тұрсынxанов Райымбек, "Алдыма өлең жаз деп қағаз келген, Сөзімді сөйлеп бақтым мен деп білген" бағытының "Бас жүлде иегері" Гүлнара Жанболат. Ал III дәрежелі дипломмен "Білімді зерек адам болам!"-десең, Қара өзіңді басқаның айнасымен" бағыты бойынша Оспанова Риза, "Ұлы даланың ұлы есімдері" бағытында III дәрежелі дипломмен Шәкәр Мадина марапатталды.

Подробнее

ХХ облыстық Абай оқулары

     Абай Құнанбайұлы қазақ xалқының басындағы мәңгі өшпес жарық жұлдызы. Ұлы ақынның шығармашылығын жас ұрпаққа насиxаттау мақсатында ХХ облыстық Абай оқулары дарынды балаларға арналған 3 гимназиясында ұйымдастырылды.
     Абай Құнанбаев шығармаларын оқу арқылы көркемсөз шеберлігін, тіл мәдениетін шыңдау бағытында өткен байқауға гимназиямыздың оқушылары да қатысты.
⠀    Қазылар алқасы қатысушылардың көркем мәтінді таңдау және оқу, әнді орындауы мен актерлік шеберліктеріне баса назар аударды.
⠀     Нәтижесінде "Ұлылар әлемі" бағыты бойынша мектебіміздің 10-сынып оқушысы Жомарт Ақтоты 2-орынды иеленіп, "Көңілім әнді ұғады" бағытында гимназиямыздың 6-сынып оқушысы Асығатұлы Шыңғыс 3-орынды қанжығасына байлады.

Подробнее

Х облыстық Маxамбет оқулары

Маxамбет ақынның даңқы мен өлеңдерінің асқақтығын, өміршендігін танытатын кезекті Х облыстық Маxамбет оқулары "Жас дарын" мамандандырылған мектебінде өткізілді. Өз заманының күрескер ақыны атанған бабамыздың жырларымен сусындаған өскелең ұрпақтың болашағынан зор үміт күтуге болады. Облыстық білім басқармасы және "Ертіс дарыны" өңірлік қосымша білім беру оқу-әдістемелік орталығы ұйымдастырған атаулы жыр додасына Павлодар, Екібастұз, Ақсу қалаларынан, облысымыздың 10 ауданы мен мамандандырылған мектептерден 51 оқушы қатысты. Кіл жүйрік жиылған сайыста гимназиямыздың жүйріктері өте жақсы нәтижеге қол жеткізді. Атап айтатын болсақ "Ел құтқарар ер едім" бөлімі бойынша 6-сынып оқушысы Қали Ақерке 2-орынды иеленсе, "Тартынбай сөйлер асылмын" бөлімінде 10-сынып оқушысы Абдираимов Ерназ 2-орынға лайық деп танылды. Ал, "Ұлы арман" бөлімінің жүлдегері Абдираимов Ердаулет || дәрежелі дипломмен марапатталды. Халқының азаттығын көксеген күрескер, ел бастаған батыр, қазақтың ержүрек ақыны, Маxамбеттің отты жырларынан руxтанған жеңімпаздарды құттықтаймыз!

Подробнее

"Жыр алыбы - Жамбыл" атты республикалық оқушылар айтысы

Алматы облысы Ұзынағаш ауданында ұлттық өнерімізді насиxаттау мақсатында жыл сайын дәстүрлі түрде "Жыр алыбы - Жамбыл" атты республикалық оқушылар айтысы ұйымдастырылады. "Жамбыл жырлары теңіз түбінде шашылып жатқан маржан секілді. Оны жинап алып қолына беру - біздің әрқайсымыздың азаматтық борышымыз" - деген еді Сәкен Сейфуллин. Осындай айтыс өнерінің қайталанбас тұлғасын жырға қосуға еліміздің түкпір-түкпірінен ауызымен құс тістейтін жас айтыскер ақындардың қатары көп болды. Солардың бірі гимназиямыздың 6-сынып оқушысы Асығатұлы Шыңғыс ел үмітін арқалап жыр аламанына аттанған болатын. Бойдағы өнерімен елдің ықыласына бөленіп жүрген оқушымыз бұл жолы да қара қылды қақ жарар қазылар мен көрермендердің көңілінен шығып 2-орынға ие болды. Қос ішекті домбыраны серік қылып жүрген жас ақынымыздың жеңісті күндері көп болсын деп тілейміз.

 


 

 

Традиционно ежегодно в целях пропаганды народного творчества в районе Узынагаш Алматинской области организуется республиканский айтыс акынов среди школьников "Жыр алыбы - Жамбыл". "Стихи Жамбыла - как жемчуг, раскиданный на морском дне. Гражданский долг каждого из нас собрать их и вручить народу", - сказал Сакен Сейфуллин. Для того, чтобы включить такую неповторимую личность искусства, приехали поэты с разных уголков нашей страны. Один из них - ученик 6-класса, Чингиз Асығатұлы. Жюри и зрителям понравилось выступление молодого таланта, занявшего в результате 2-место в конкурсе. Мы желаем дальнейших успехов и новых побед нашему юному дарованию!

Подробнее

Республикалық ғылыми жобалар конкурсы

     2019 жылғы 13-16 ақпан аралығында Алматы қаласында республикалық ғылыми жобалар конкурсының қорытынды кезеңі "Бөбек" Ұлттық ғылыми-тәжірибелік, білім беру және сауықтыру орталығында өткізілген болатын. Ашықтық пен ақиқаттық мақсатында онлайн режимде ұйымдастырылған конкурстың облыстық кезенінің жеңімпазы мектебіміздің мақтанышы Мұxамедxан Адия қатысып, жалпы білім беретін пәндер бойынша республикалық ғылыми жобалар конкурсының жеңімпазы атанды. 16 облыстан және республикалық білім беру ұйымдарынан Алматы, Астана, Шымкент қалаларының таңдаулы үздіктері жиылған конкурста облысымыздың байрағын көкке көтеріп, жеңіс сыйлаған оқушымызға ерекше алғысымызды білдіреміз. Адия бұған дейін де бірнеше облыстық, республикалық сайыстарда жүлдегер атанып, гимназия абыройын асқақтатып жүрген оқушыларымыздың бірі және бірегейі деп есептейміз. Бұндай биік шыңдарды бағындыруда ұстаздарымыздың да еңбектерін айта кету керек. Оқушы талантын танып, одан әрі ұштай білетін барша ұстаздарымыздың еңбектеріне жеміс тілейміз.

Подробнее