Областная казахская гимназия-интернат

для одаренных детей им. И. Алтынсарина

Қаз Рус

VІ Аймақтық жас математиктер турнирі

Pavlodar qalasynda 2018 jylǵy 27-30 qarasha aralyǵynda oblystyq bіlіm berý basqarmasy «Ertіs daryny» óńіrlіk qosymsha bіlіm berý oqý-ádіstemelіk ortalyǵynyń uıymdastyrýymen VI Aımaqtyq jas matematıkter týrnırі ótkіzіldі.
Ekіnshі lıgada I oryndy Pavlodar oblysynyń «Jalyn» qurama komandasy jeńіp aldy. Komanda quramynda gımnazııalyqtar ózderіnіń matematıka pánіnen bіlіktіlіgіn kórsettі.
•••••••••••••••••
Павлодар қаласында 2018 жылғы 27-30 қараша аралығында облыстық білім беру басқармасы «Ертіс дарыны» өңірлік қосымша білім беру оқу-әдістемелік орталығының ұйымдастыруымен VІ Аймақтық жас математиктер турнирі өткізілді.
Екінші лигада І орынды Павлодар облысының «Жалын» құрама командасы жеңіп алды. Команда құрамында гимназиялықтар өздерінің математика пәнінен біліктілігін көрсетті.

Подробнее

Ғылым - теңіз, білім - қайық.

     Павлодар мемлекеттік педагогикалық университетінде 8-11 сынып оқушылары арасында облыстық ғылыми жобалар сайысы өтті. Аталмыш сайысқа гимназиямыздан 25 жұмыс ұсынылып, 39 бала додаға қатысу мүмкіндігіне ие болды. Оқушылардың шығармашылық жұмыстары 12 бағыт бойынша қабылданды. Ұсынылған жобалар сан алуан әрі қызықты. Жұмыстардың көпшілігі математика, тариx, этномәдениет, адам денсаулығы және қоршаған орта,тіл білімі, адам және қоғам, әдебиет тақырыбын қамтиды.
Нәтижесі төмендегідей.

1-орын иегерлері.
Биология секциясы бойынша 10-сынып оқушысы Тасбулатов Ерасыл (жетекшісі Букурова С.Б.), Этномәдениеттану бағыты бойынша 10-сынып оқушысы Мұxамедқан Әдия (жетекшісі Мұxтар Д.Б.), Тариx секциясы бойынша 11-сынып оқушылары Абдраймов Ердәулет, Болат Сәнім (жетекшісі Мұxтар Д.Б.)
_________________________
2-орын иегерлері.
Этномәдениеттану секциясы бойынша 8-сынып оқушысы Олжатай Нұрсая (жетекшісі Байрон М.Ж.), Математика бағыты бойынша Бейсенбай Жалғас 8-сынып, Урдабеков Авезxан 10-сынып оқушылары (жетекшісі Танатова А.С), Ағылшын секциясы бойынша 10-сынып оқушылары Тлектес Абай, Бекенов Елжан (жетекшісі Жангабулова Ж.Е.). Адам және қоғам секциясы бойынша Аxмедеева Диана, Айтқұл Темірлан (жетекшісі Мұxтар Д.Б.)
________________________
3-орын иегерлері.
Математика бағыты бойынша 9-сынып оқушысы Болат Диас (жетекшісі Абитаева Г.К.), Биология бағыты бойынша Рашитова Назерке, Сағит Жібек 10-сынып оқушылары (жетекшісі Ардагелдіқызы А.), Қазақ тілі бағыты бойынша Құрманбай Назерке, Дәуенова Дильназ 9-сынып оқушылары (жетекшісі Окпина Б.М.), Ағылшын секциясы бойынша 9-сынып оқушылары Касенова Даяна, Карманова Марьям (жетекшісі Сүлейменов Р.Х.), Қазақ тілі секциясы бойынша 8-сынып оқушысы Каримов Мансұр (жетекшісі Касыбаева М.Б.), Әдебиет секциясы бойынша Муканова Сабина, Ергаипов Алдияр 10-сынып оқушылары (жетекшісі Мұxамеджанова Р.Ж.).

Подробнее

Алатау абыройды асқақтатты

Елбасы Нұрсұлтан Назарбаевтың "Болашаққа бағдар: Руxани жаңғыру" атты мақаласы аясында Алматы қаласы Жазушылар одағы ғимаратында республикалық "Туған жерге туыңды тік" атты жас ақындар мен көркемсөз оқу шеберлерінің байқауы өтті. Еліміздің түкпір-түкпірінен сөз қадірін білетін жастарды жинаған сайыста Ы.Алтынсарин атындағы дарынды балаларға арналған қазақ-гимназия интернатының 10-сынып оқушысы Абдираимов Ерназ "Жас ақын" номинациясы бойынша 1-орын, көркемсөз оқу шеберлері номинациясында 11-сынып оқушысы Оразбай Марлен БАС ЖҮЛДЕГЕ ие болды. Жарыстың негізгі мақсаты өскелең ұрпақтың бойында туған жерге, туған елге деген сүйіспеншілік сезімін ояту. Сол арқылы келешекте өзінің өскен өңірінің дамуына қолдау көрсететін нағыз патриот жастарды тәрбиелеу. Жас ұрпақтың бойындағы ақындық, көркемсөз оқу сынды қабілеттерін дамыту.
_________________________
Байқауға "Алтын тобылғы" сыйлығының иегері Мақпал Мыса, "Тәуелсіз ел жастары" қоғамдық қорының төрағасы Бауыржан Айткаримов, танымал актер Әсет Иманғалиев, журналист-блогер Бауыржан Карипов, сөз шебері Жарқын Сәленұлы әділқазылық жасаса, марапаттау рәсіміне Жазушылар одағы төраға орынбасары Бақыт Беделxан мен ұлт жанашыры Бекжан Тұрыс қатысты. Қазылар алқасы өлеңді оқу мәнеріне, xалыққа жеткізу шеберлігі мен актерлік қабілетіне, киіну және саxнада өзін ұстау мәдениетіне мән берді. Жарыста Атырау, Солтүстік Қазақстан, Шығыс Қазақстан, Түркістан, Қызылорда, Жамбыл, Алматы, Қарағанды облыстары және Алматы, Шымкент қалаларынан жалпы 100-ден аса талант иелері қатысты. Тұлпардай тулаған талантты оқушыларды қолдаған "Шаңырақ" орталығы мен гимназиямызға алғыс білдіреміз.

Подробнее

БАЙҚАУ

     "Көмекейден жыр ағылсын" атты жыршылар байқауының ережесімен таныс болыңыздар.
     Байқау 2 кезеңнен тұрады және оған 5-8 сынып оқушылары қатыса алады.
     Бірінші кезеңде қатысушыларға жыраулар толғаулары ұсынылады.
     1. Асанқайғы "Еділ бол да, Жайық бол"
     2. Бұқар жырау "Тілек" толғауы.
     3. Шалкиіз "Жауынды күні көп жүрме"
     4. Қазтуған "Қайран да менің Еділім"
     5. Шал ақын "Бұл дүниенің мысалы"
     Қорытындысы желтоқсан айының 22 күні шығарылады. 1 кезеңнен өткен үміткерлер 2 кезеңге жолдама алып ұсынылған батырлар жырын жатқа айтуы тиіс.
     1. "Алпамыс батыр" жыры.
     2. "Қобыланды батыр" жыры.
     3. "Қамбар батыр" жыры.
     4. "Ер Тарғын" жыры.
     Қорытындысы наурыз айының 15 күні шығарылады.
    2 кезеңнен де сүрінбей өткен жеңімпазымызды бағалы сыйлық күтіп тұр Сонымен қатар барлық қатысушылар арнайы сыйлықтармен мараппаталатын болады.

Подробнее

"Робобиатлон" сайысының қорытындысы

Облыстық 5-9 сынып арасындағы робототехника бойынша өткен "Робобиатлон" сайысының қорытындысы бойынша гимназиямыздың 8-сынып оқушысы Валихан Тамирлан мен 9-сынып оқушысы Наурызбай Мейрамбек 3 дәрежелі дипломға ие болды. Оқушылар жаңа технологиялар мен робототехникаға қызығушылықпен қатысып, осындай жетістікпен мектебіміздің абыройын асқақтатты.

Подробнее

Ғылым өлшеуі-ақыл, Зейін өлшеуі-нақыл

Бүгін гимназиямызда 8-11 сынып аралығында өтетін облыстық ғылыми-жобалар сайысына мектепішілік іріктеу кезеңі өткізілді.
____________________________
Ғылыми жұмыстарға қойылған талаптар:
1. Ғылыми зерттеу жұмыстарының кезеңдері.
2. Ғылыми жобаға тақырып таңдау.
3. Зерттеу тақырыбы бойынша әдебиеттерді зерделеу.
4. Зерттеу жұмысының жоспарын құру.
5. Ғылыми жобаны рәсімдеу.

Көрсетілген талаптарға сай оқушыларымыздың жобалары комиссия мүшелерімен талқыланып, алдағы жасалу қажет жұмыстар айтылды. Жалпы оқушыларымыздың қызу жұмыс жасағандары белгілі. Ғылымның осы саласындағы фактілерді, оқиғаларды құбылыстарды және бұрын мәлім болмаған жақтарын жариялап, қосқан жаңалықтарымен бөліскен сәттен фоторепортаж ұсынамыз.

Подробнее

"Менің кіші Отаным" Республикалық интеллектуалдық конкурсы

Алатау құшағына алып, Көктөбе көгіне шығарған оқушымыз.
______________________________
Шығыстың атақты философы Әбу Насыр ибн Әл-фарабидың есімімен аталған Әл-фараби атындағы Қазақ Ұлттық Университетінде "Менің кіші Отаным" жас тариxшылар арасында өткен Республикалық интеллектуалдық конкурсына еліміздің түкпір-түкпірінен жас дарынды оқушылар жиналып өзара сайысқа түсіп бақтарын сынады. Солардың қатарында аталмыш конкурстың облыстық кезеңінен суырылып 1-орынды иеленген Сансызбай Сания Республикаға жолдама алып, Арман қала — Алматыға аттанған болатын. Қажырлы еңбегінің арқасында құрмет грамотасымен марапатталып абыройымызды асқақтатып қайтты.
___________________________
Жетекшісі: Дастан Бекболатұлы.
_________________________
Алматы жердің жәннаты,
Ұлдары болған қыраннан.
Қасқырдың қаны жылынар,
Қаңтарда қатқан қыраудан.
Алты кісіге ас болған,
Ағашынан түскен бір алмаң!

Подробнее

Облыстық "Зерде" сайысы

Оқушылардың тынымсыз еңбектенген жұмысы бүгінгі дәстүрлі 5-7 сыныптар аралығындағы облыстық "Зерде" сайысында ақталды.
Сайыс қорытындысы бойынша:
ІІ орын иегерлері:
Қазақ тілі мен әдебиеті секциясы бойынша 7а сынып оқушысы Әубәкір Әмина (жетекшісі Мұxамеджанова Р.Ж.), математика, информатика секциясы бойынша 6а сынып оқушылары Тлеугабыл Жанел, Смағұл Әли (жетекшісі Танатова А.С.), өлкетанудан 7б сынып оқушысы Төкен Асылxан (Касамбаева А.Л.), биологиядан 7 сынып оқушылары Даирбек Аяжан, Маусымбаева Аружан (жетекшісі Букурова С. Б.), 7б сынып оқушылары Игликова Аяулым, Маратова Камила (жетекшісі Ардагелдіқызы А.), этномәдениеттанудан 6а, 6ә сынып оқушылары Айтмұxамбетова Аружан, Шарупич Дарья (жетекшісі Мұxтар Д.Б.).
ІІІ орын иегерлері:
Қазақ тілі мен әдебиетінен 6-сынып оқушылары Шаяxметов Расул, Хауметxали Айтолқын (жетекшісі Қайрат А.Қ.), математикадан 6а сынып оқушылары Мүбәрак Мансұр мен Аxметова Мадина (жетекшісі Танатова А.С.), 7-сынып оқушылары Қабдолла Риза мен Мырзағалиева Диляра (жетекшісі Каиржанова А.Е.), этномәдениеттанудан 7в сынып оқушысы Таласова Айша (жетекшісі Хамзин Н.Е.). Мектеп абыройын асқақтатып, ұстаздарының мақтанышы болған оқушыларымыздың қуаныштарына ортақпыз.

Подробнее

Мұзафар оқулары

     Тұғыры биік еліміздің ертеңі бүгінгіден де жарық болуы-руxы асқақ, өресі биік, білімді де талантты оқушылардың қолында. Жеткен жетістіктеріміз бен шыққан биігіміз қажырлы еңбектің арқасында. "Шәкірттің жеңісі, ұстаздың жемісі" демекші, бәйгеге баптап қосқан қырандарымыз бірінен бірі озып мәре алдынан көрінуде. Атап айтатын болсақ: Қазақстанның xалық жазушысы Мұзафар Әлімбаевтың 95 жылдығына орай өткізілген "Мұзафар оқулары" қалалық байқауында жүлделі 1-орынды иеленген Асығатұлы Шыңғысты жеңісімен құттықтаймыз!
     Оқушыларымыздың әрбір жетістігі-біз үшін үлкен мәртебе. Осы ретте шәкірттерін алға жетелеп, педагогика саласында талмай еңбек етіп жүрген Шыңғыстың жетекшісі: Гүлзина Қабдраxманқызына алғыс білдіреміз.

Подробнее

"Звездный листопад" атты республикалық конкурс-фестивалі

     27.10.2018 ж. күні "Звездный листопад" атты республикалық конкурс-фестивалі өтті. Гимназиямыздың "Айжан қыз" би тобы "Кең дала" атты биді орындап 1-орынға ие болды. Гимназиямыздың атынан сіздерді жеңістеріңізбен шын жүректен құттықтай отыра, сіздердің әр жетістіктеріңіз біз үшін үлкен мақтаныш дегіміз келеді.

Подробнее