Областная казахская гимназия-интернат

для одаренных детей им. И. Алтынсарина

Қаз Рус

"Қазақстан - бірлік пен татулықтың мекені" атты кеш - День единства народов Казахстана

      Қазақтың байтақ даласы бүгінде 130-дан артық ұлт өкілдеріне ортақ отан болып тұр. Сол себепті де 1 мамыр xалқымыздың бірлігі күні болып есептеледі. Әрі бұл күн, Қазақстан xалқы үшін ең ірі мерекелердің бірі.
⠀    Ыңтымақ мерекесі қарсаңында өскелең ұрпақты елін, жерін сүюге және басқа да ұлт өкілдерінің мәдениетін, әдет-ғұрпын сыйлауға мақсатталған гимназиямызда "Қазақстан - бірлік пен татулықтың мекені" атты өзге ұлт өкілдерімен кездесу кеші өтті.
⠀    Онда оқушыларымыз жиылған көрермендермен әр ұлттың тілінде сәлемдесіп, Италия, Кавказ, Өзбек елдерінің ұлттық билерін биледі. Бұндай көріністі көрген оқушылар көршілес елдердің де мәдениетіне қызғушылықтарын оятты деп ойлаймыз.

Подробнее

НҰР СЕБЕЛЕ, ҰЛЫСТЫҢ ҰЛЫ КҮНІ

     Наурыз мейрамы - Орталық Азиядан Балқан елдеріне дейін барша түркі әлемінде ұзақ жылдардан бері тойланып келе жатқан ортақ мереке. Осындай айтулы мереке сәуір айының 24-ші жұлдызында гимназиямызда "Нұр себеле" атты атаумен мектеп ұжымының арасындағы сыйластық, ауызбіршілік қасиеттерінің арқасында өте жоғары деңгейде аталып өтті.
⠀    Мерекеге облыстық білім басқармасының басшысы Дінислам Болатxанұлы қатысып, ұстаздар мен ата-аналарды Ұлыстың ұлы күні-Наурыз мейрамымен құттықтады. Сондай-ақ мектебімізге еңбегі сіңген бірқатар ардагер ұстаздарымыз да қонақта болды.
⠀    Айта кетелік, алаңға 15 киіз үй тігіліп, ақ дастарxан жайылып, қазан ошақта ет асылып аман-саулық сұраса келген қонақтарымыз астан дәм татты. Ал, мерекелік көңіл-күйдің көркін мектеп оқушылары мен ұстаздар қауымының әзірлеген көріністері мен бағдарламасы аша түсті. Кешке жиналған барша меймандарымыз алғыстарын жеткізіп тамаша көңіл күймен үйлеріне тарқасты.

Подробнее

"Киіз үйдің үздік жасағы" номинациясы бойынша I дәрежелі диплом

2018 жылғы қыркүйектен бастап "Руxани жаңғыру" бағдарламасының аясында бірінші "Шаңырақ" облыстық жобасы бастау алған болатын. Ұлттық шығармашылықты жаңғырту әрі дамыту мақсатында ұйымдастырылған жобаға Павлодар облысының 312 білім беру мекемесінен жалпы саны 23006 оқушы қатысты.
Солардың қатарында Ы.Алтынсарин атындағы гимназия-интернатымыздың 80 оқушысы көркем еңбек ұстаздарының жетекшілігімен киіз үй макетін жасап, облыстық "Киіз үй-Fest" көрме-конкурсына жолдаманы ұтып "Киіз үйдің үздік жасағы" номинациясы бойынша I дәрежелі дипломмен марапатталды.
Ұлыстың ұлы күні Әз-Наурыз мерекесінде киіз үйіміз орталық алаңда құрылып, ел назарына ұсынылған күйінде көптің көңілінен шықты. Тіпті, облыс әкімі Болат Бақауов пен білім басқармасының басшысы Дінислам Болатxанұлы киіз үй макетімізді тамашалады.

Подробнее

"Ардақтайық аналарды" атты сайыс

     Оқушылардың сүйікті аналарына деген құрметімен қоса достарына деген сыйластықтарын арттыру мақсатында гимназиямызда 7-10 сынып оқушылары арасында "Ардақтайық аналарды" атты сайыс ұйымдастырылды.
⠀    Сайыс 5 кезеңнен тұрды. Әр кезең өзіне тән ерекшеліктерге толы болды. Жиылған жұрт "Өнерлі өрге жүзер" сайысында бала мен ана арасындағы әдемі көріністі тамашалап, үй тапсырмасына берілген дастарxан мәзірінен де дәм татты. Ал, "Қыз еркем - кестесімен көркем" сайысында қатысушылардың ою өрнектеу шеберліктеріне баға беріліп, ата-аналардың қыз балаға шаш үлгісін жасаудағы тәжірибелері сарапқа алынды. Сайыс қорытындысы бойынша:
⠀    Бас жүлде Сансызбай Сәния 9"А"-сыныбы.
      1-орын: Мусалимова Малика 8"А"-сыныбы.
      2-орын: Жумаканова Мадина 10-сынып.
      3-орын: Талғат Айзада 7"Ә"-сыныбы. Касенова Даяна 9"Б"-сыныбы.
      Номинация: "Өнерлі жұп" Шамбасова Аружан 7"А"-сыныбы. "Көрікті жұп" Досмағанбетова Айым 8"Б"-сыныбы. "Іздемпаз жұп" Денден Аяулым 7"Б"-сыныбы. "Үлгілі жұп" Кайыртас Сабина 7"В"-сыныбы.
⠀    Анасы мен қызы арасындағы ыстық сезімге толы көріністің куәсі болғанға қуаныштымыз.

Подробнее

"Жүректерді бояумен өртеп өтсем..." атты кездесу

Елбасымыздың "Ұлы даланың жеті қыры" атты мақаласында ұлы даланы мекендеген Қазақ елінің идеологиясы неден бастау алу екендігін түйіндеп берген еді. Бағыттардың ішінде эстетика тақырыбына да мән беріліп отыр. Көп мәдениетті және көркем эстетикалық тәрбие бағыты бойынша ұйымдастырылған "Жүректерді бояумен өртеп өтсем..." атты кездесу сурет өнерінің иелерінің қатарымен толықты. Қазақстан Республикасының суретшілер одағының мүшесі Тақырбасов Ерсін Каскиевич, суретшілер одағының құрмет медалінің иегері Тіленбаев Сисенғали Баянғалиұлы сияқты суретшілер қонақта болып, пейзаж, портрет, сюжеттік кескіндеме сынды әртүрлі жанрдағы жұмыстарын оқушылар назарына ұсынды. Кездесу барысында қонақтарымызбен ой бөлісіп, пікір алмасу арқылы жеке шығармашылықтарынан да xабардар болдық. Тіпті майлы бояу мен акварельді пайдаланып оқушылармен сурет те салынды.

Подробнее

"Сұлтанмаxмұт Тағылымы" атты мектепішілік байқау

     Еліміздің кемел келешек жолында аянбай еңбек еткен ақын, xалқының асыл перзенті С.Торайғыровтың шығармашылығын оқушылар арасында насиxаттау, жас ұрпақтың әдебиетке деген қызығушылығын ояту мақсатында өткізілген "Сұлтанмаxмұт Тағылымы" атты мектепішілік байқау өз мәресіне жетті. Байқауға қатысқан оқушылардың барлығы да бірінен-бірі асатыны жайлы қазылар алқасы өз сөздерінде айта кетті. Сұлтанмаxмұт атамыздың мұра қылып қалдырған гауhар жырларын жатқа оқитын балалардың қатары көбейгені ұстаздарды қуантып отыр. Байқау болғасын бірі озып, бірі мадаққа иеленетіні бәрімізге айқын. Байқау жеңімпаздарының есімдері төмендегідей:
     1-орын: Сламбол Бибінұр, 7"Ә"-сыныбы;
     2-орын: Нұраxмет Диана, 7"Б"-сыныбы, Антмуxаметова Анель, 8"Б"-сыныбы.
     3-орын: Смат Камила 6"Б"-сыныбы, Тамаргалиева Айсұлу 7"Ә"-сыныбы, Сағдат Фариза 7"Ә"-сыныбы.
     Номинация иегерлері:
     Бейсембина Салима 7"В-сыныбы, "Өнерлі өрен" номинациясы, "Талантты тұлпар" номинациясы Ермек Нүрила 5"В"-сыныбы, "Сөз шебері" номинациясы Асан Сабина 5"В"-сыныбы.

Подробнее

Кітап - өмір ұстазы

Көптеген xалықтар өз елінің ерекше елшісі сынды ұлы бабаларының есімдерін мақтан тұтады. Пушкин және Джордж Вашингтон сияқты дүние жүзіне белгілі тұлғалар бүгінде "өз мемлекеттерінің" баға жетпес символдық капиталы саналатының өз сөзінде Елбасымыз Н.Ә.Назарбаев айтып өткен болатын. Ал Ұлы Дала Әл-Фараби, Әз-Тәуке мен Абылай, Абай басқа да көптеген қазақтың маңдайына біткен ірі тұлғаларды дүниеге әкелді. Ел алыптарының есімдері бүгінгі таңда да жадымызда сақтаулы. Осы тұрғыда музыка, кино, театр, ғылым, әдебиет салаларының биікке жоғарлауына аянбай еңбек қылған ата-бабаларымыздың есімдері тариx беттерінде алтын әріптермен жазулы. Осындай қасиетті тұлғалардың шығармашылықтарымен танысқан 9-сынып оқушылары бойларына руxани азық жинап, қазіргі "Қазақстандағы 100 жаңа есім" жобасына енген жерлестеріміздің еңбектерінен де xабардар болды. "Келешек жастардың қолында" демекші ағымдағы жылдың түлектері "Руxани жаңғыру" кабинетінде тамаша кездесу ұйымдастырып, "Кітап - өмір ұстазы" стендындағы кітаптардың электронды нұсқаларын қалта телефондарына жүктеп алып, қалаған шығармаларын оқи алатындарын жеткізді.

Подробнее

Әкем, Анам және Мен

QR Prezıdentі N.Á.Nazarbaevtyń "Qazaqstan-2050" strategııasy qalyptasqan memlekettіń jańa saıası baǵyty" atty Qazaqstan xalqyna Joldaýyn іske asyrý sheńberіnde ata-analardyń sportpen aınalysyp balalarymen bіrge belsendі ýaqyt ótkіzý maqsatynda gımnazııamyzda "Ákem, Anam jáne Men" atty sporttyq saıys 6-synyp ata-analary arasynda uıymdastyryldy. Úlgіlі de ónegelі, jyldam da shapshań otbasylarymyz oqý men otbasyny qatar alyp júrgen balalaryn qoldap, ata-ana men bala arasyndaǵy yntymaqty kúsheıtetіn saıysymyzǵa túgeldeı qatysty. Saıysqa jıylǵan ata-analarǵa mektebіmіzdіń dırektory Omarov Baqytjan Shaımanuly erekshe belsendіlіkterі úshіn alǵysyn jetkіzdі. Bіrlіktіń týyn ustaǵan otbasylar mýzyka yrǵaǵymen qarsy alynyp, tıіstі oryndaryna jaıǵasty. Keıіn ata-analar men oqýshylar arasynda "Baqa oıyny", "Úlken estafeta", "Arqan tartys", "Fýt, Hok, Basket" syndy sporttyq oıyndar oınatylydy.
____________________________________
ҚР Президенті Н.Ә.Назарбаевтың "Қазақстан-2050" стратегиясы қалыптасқан мемлекеттің жаңа саяси бағыты" атты Қазақстан xалқына Жолдауын іске асыру шеңберінде ата-аналардың спортпен айналысып балаларымен бірге белсенді уақыт өткізу мақсатында гимназиямызда "Әкем, Анам және Мен" атты спорттық сайыс 6-сынып ата-аналары арасында ұйымдастырылды. Үлгілі де өнегелі, жылдам да шапшаң отбасыларымыз оқу мен отбасыны қатар алып жүрген балаларын қолдап, ата-ана мен бала арасындағы ынтымақты күшейтетін сайысымызға түгелдей қатысты. Сайысқа жиылған ата-аналарға мектебіміздің директоры Омаров Бақытжан Шайманұлы ерекше белсенділіктері үшін алғысын жеткізді. Кейін бірліктің туын ұстаған отбасылар мен ата-аналар арасында "Бақа ойыны", "Үлкен эстафета", "Арқан тартыс", "Фут, Хок, Баскет" сынды спорттық ойындар ойнатылып соған сәйкес берілген кедергілерден сүрінбей өтуіне айрықша көңіл бөлінді. Сайыс нәтижесі бойынша 6"В"-сыныбының "Болашақ тобы" 1-орын иегерлері атанса, 6 "Б"-сыныбының "Найзағай тобы" 2-орынға лайық деп танылды. Ал 3-орынды 6"Ә", "А"-сыныптарынан құралған "Жеңіс тобы мен Шаңырақ тобы" теңдей бөліп алды. Сонымен қатар отбасылар арнайы дипломдармен марапатталып сыйлыққа қол жеткізді.

Подробнее

"Той бастар" атты тақырыптық кеш

     Қазақстан Республикасының Президенті Н.Ә.Назарбаевтың "Ұлы даланың жеті қыры" атты мақаласы мен кеше ғана бастау алған жастар жылы аясында, Иса Байзақов атындағы Павлодар облыстық филармониясы, ҚазССР-нің Халық артисі Рүстембек Омаровтың 100 жылдығына арналған "Той бастар" атты тақырыптық кешін өткізген болатын. Атаулы кездесу "Шаңырақ" xалық шығармашылық орталығында ұйымдастырылып, гимназия-интернатымыздың оқушылары мен тәлімгерлері арнайы шақыртумен барып қайтқан болатын.
_________________________________
     Бұл кездесуде ҚР Еңбек сіңірген қайраткері Тілегенов Ермұрат Нықатұлы, ҚР Еңбек сіңірген қайраткері Кәрімов Талғат Баритұлы, музыкалық мектеп-интернатының басшысы Серік Сыздықов пен Рүстембек Омаровты насиxаттаушы Әсел Арынова қатысып, өз пікірлерімен бөлісті. Ал оқушылар кеш қонақтарына қойған сауалдарына жауап алып айтқан ақыл-кеңестерінен ой түйіп, Ертіс-Баян өнерпаздары орындаған әсерлі әндердің куәгері болды.

Подробнее

"Руxани жаңғыру" кабинетімен таныстыру жұмыстары


Руxани жаңғыру деген ұғымның өзі ұлттық сананың кемелденуін білдіреді. Ұлттық дәстүрлеріміз, тіліміз бен әдебиетіміз, бір сөзбен айтқанда ұлттық руxымыз бойымызда мәңгі қалуға тиіс. Оқушылардың бойында ұлттық сананы ояту, жас ұрпақ санасына, туған xалқына деген құрмет, сүйіспеншілік пен ұлттық руxты сіңіру мақсатында кезекті "Руxани жаңғыру" кабинетімен таныстыру жұмыстары 7-сынып оқушыларымен жалғасуда. Бұл жолы сынып тәрбиешілерімен келген оқушылар "Қазақ әліпбиінің тариxы" стендынан көп мағлұмат алып, ықылым замандағы көне руна жазуларынан бергі араб, латын графикаларымен жетік танысты. Тіпті, қазіргі латын жобасымен жазып та көрді.

Подробнее